നിന്റെ ഡിസക്ഷന്‍ ടേബിളിലായിരുന്നു
എന്റെ സ്‌നേഹം കഷ്ണിക്കപ്പെട്ടത് ....
അനേകം തുണ്ടുകളായി
നിര്‍ദയം കീറി മുറിക്കപ്പെട്ടത്..
കൈകാലുകള്‍ മുഖം ആന്തരാവയവങ്ങള്‍
എല്ലാം തുണ്ടംതുണ്ടമായി സുന്ദരമായതെല്ലാം
വിരൂപവും വികൃതവുമായി കേവലം
ചോരയിറ്റുന്ന ഇറച്ചിത്തുണ്ടുകള്‍
നീ അവയെല്ലാം വേസ്റ്റ്‌കൊട്ടയിലേക്കെറിഞ്ഞു
നിന്റെ പരീക്ഷണപ്പലകയിലേക്ക്
കീറി മുറിക്കാന്‍ പുതിയ പുതിയ ഇരകള്‍
ചവറ്റുകുട്ടയില്‍ കിടന്നും
എന്റെ നിഷ്‌കളങ്കസ്‌നേഹം നിലവിളിക്കുന്നു.......!
pic courtesy: Google image
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ